Page 7 - ARUBA BANK

Por pensa mas of menos cu tin 30 pa 40 mil naheffing cu ta saliendo cada luna. Esaki ta

un cantidad basta grandi. Di loke por a ripara na e reaccion cu ta ricibi di e clientenan cu

e nan ta yama reclama bisa cu nan a haci e pago, nan ta bisa cu e cobransa ta inhusto,

pasobra e pago ta haci.

Ora cu ta bay check kico exactamente a pasa, ta ripara cu berdaderamente e pago a wordo

haci pero e pago a wordo haci laat. Mayoria comerciante ta paga via banco. Nan ta paga

riba fecha 15 y DIMP ta registra e ora e pagonan ey e dia despues, of dos dia despues. E

momento cu banco a deposita e placa riba cuenta di DIMP. Esey ta determinante, no e

momento cu e cliente a haci e pago na banco. Pesey tambe ta pidi e clientenan, pa ora cu

haci pago via banco, pa tene cuenta cu no ta mesun dia DIMP ta ricibi e placa riba nan

cuenta.

Tambe a haya casonan cu e clientenan no ta bisa den detaye kico nan ta pagando. Nan ta

djis pone por ehempel cu nan a paga BBO, pero nan no ta bisa BBO di cual luna.

Pa DIMP registra e pago corectamente, tin cu sa pa cua periodo di e aña e cliente ta

pagando. Cada formulario cu e cliente haya, ta contene un referencia di pago. E ta un

number unico cu ta valido pa e luna ey. Si un persona ta pagando su BBO di luna di

September, e tin cu usa e formulario cu ta contene e referencia di pago pa loke ta trata

September.

Pero si e coy un formulario di October y haci e pago conforme cu e referencia di pago cu

ta valido pa October, DIMP no por procesa e pago ey nunca riba e luna di September.

Kiermen eseynan ta detayenan, foutnan cu a sosode.