Page 22 - AWEMAINTA

22 AWEMainta Diaranson, 29 Mei 2019

Curtis Fraser (POR):

‘Ta hopi importante pa celebra y

duna honor na nos grandinan’

RECIENTEMENTE e politico Curtis Fraser di POR

a bishita nos grandinan un rato na SABA den cuadro

cu celebracion di Dia di Mama cu un bunita actividad
na nos grandinan. Sr. Fraser ta bisa cu su inspiracion pa

haci esaki ta bin di un iniciativa di Dia di Mama hopi
bunita cu el a forma parti di dje aña pasa na SABA.

Sr. Fraser ta relata cu ora el a yama e aña aki pa wak con
e por yuda of kico e por haci pa SABA den conexion cu

Dia di Mama, el a tende cu no tabatin realmente ningun

celebracion, pues sr. Fraser a tuma e iniciativa y pidi si ta
posibel pa tog brinda nos grandinan un celebracion chiki-

to den nan honor.

“P’e mama y tur hende cu t’aki ta hopi importante pa haci
algo pa nan. Y mi inspiracion ta bin di mi famia, unda nos a

lanta ta duna honor na nos sernan keri cu a haci hopi prome cu
nos pa yuda nos yega unda cu nos ta”, segun sr. Curtis Fraser.

P’e motibo aki – cu ayudo di e.o., su pareha, DJ Rude-
Boy, staf di SABA y diferente otro hende – Curtis Fraser a

percura pa bin cu bolo, snacks, musica y ambiente pa nos
grandinan. “Ta importante pa celebra cu nos grandinan,

pasobra nan t’esnan cu a traha e pais cu nos tin awe.”

Nos grandinan t’esnan cu a lanta nos y ta pasa e cultura
di un generacion p’e otro, pues ta esencial pa semper duna

danki y brinda honor na nos grandinan.

“Pa mi e ta un cos hopi simpel, e ta den un seno familiar y

ora bo ta cana rond aki bo ta mira e respet pa hende cual

a bin di un generacion pa e otro”, sr. Fraser ta expresa.
Y ta netamente esaki segun sr. Curtis Fraser ta locual mes-

ter t’e enfasis den nos comunidad, pa nos sigui cu e ‘bon
dia’ mainta trempan, e smile na nos cara y respet mutuo

na nos con-ciudadanonan, simplemente e amor cu nos tin

pa otro.

Semper ta importante pa nos refleha e aprecio na nos
grandinan, bishita nan mas y haci actividad cu nan, scu-

cha nan conta storia y ta mas envolvi cu nos grandinan.

Den e forma aki nos ta sigui duna nan un sentido cu ainda
nan ta parti di nos comunidad.