Page 46 - ON FEB 2

Minister Hooyboer-Winklaar ta logra acuerdo cu Bishop’s
University na Canada pa scholarship di $4000 pa aña pa

studiantenan di Aruba

Wednesday, 01 February 2017 20:32
Comparti

Recientemente Minister Hooyboer-Winklaar di Enseñansa y Famia a logra formalisa un acuerdo
importante cu Bishop’s University di Quebec, Canada. E acuerdo aki ta e di tres cu ta keda formalisa
entre pais Aruba y un instituto di Enseñansa Superior na Canada.

E acuerdo aki ta habri porta pa varios intercambio entre Aruba y Bishop’s University, asina tambe
dunando nos studiantenan aceso na un estudio di calidad halto na un prijs reduci. Cu e acuerdo
formalisa, studiantenan di Aruba lo tin aceso na mas cu 105 programa di estudio na nivel di bachelor y
master den e areanan di business, social sciences, humanities y natural sciences & mathematics. Minister
Hooyboer-Winklaar ta sumamente contento cu un parti importante di e acuerdo ta cu studiantenan di
Aruba lo ricibi un scholarship di $4000,- dollar Canades pa aña, cu ta implica un descuento di $2000,-
pa semester, cu ta reduci e tuition fee cu studiantenan internacional ta paga. E scholarship di $4000,-
dollar Canades pa aña ta aplicabel pa tur residente di Aruba cu ta cumpli cu e normanan di admission y
cu ta wordo acepta na Bishop’s University. Pa por sigui ricibi e scholarship special aki studiantenan di
Aruba mester cumpli despues di e prome aña cu un average di puntacion minimo cu ta wordo exigi door
di e universidad. Dependiendo di e prestacion di e studiante durante di e estudio tin posibilidad pa
cualifica pa scholarships adicional cu por hasta redobla e suma cu awor ta inclui den e acuerdo cu a
wordo sera entre gobierno di Aruba y e universidad. E gastonan di estudio na Canada ta conoci pa ta
relativamente mas abou cu na Merca y tambe e balor di e dolar Canades ta mas rasonabel cu e dollar
Mericano si compara esaki cu nos florin. Un otro aspecto interesante di Bishop’s University ta cu e
estableci den e provincia di Quebec, un provincia cu ta aplica gastonan di estudio mas abou cu e resto di
Canada. Bishop’s University ta situa den e ciudad di Sherbrooke, cu ta solamente algun kilometer leu for
di e grens di Merca, particularmente di e estadonan di Vermont y Maine.

Algo cu tambe ta haci Canada y specialmente Bishop’s University atractivo ta cu un studiante
internacional por traha te na un maximo di 20 ora pa siman banda di su estudio y ora di finalisa e
estudio tin posibilidad di traha te na un maximo di 3 aña na Canada pa gana experencia. Minister
Hooyboer-Winklaar a firma e acuerdo na Aruba den presencia di representante di Bishop’s University sr.
Dan Seneker, Director Enrolment Management. Bishop’s University ta un di e 6 institutonan di Canada
cu a participa na Aruba College Fair na November ultimo y ta di dos biaha cu nan ta bishitando Aruba. E
intencion ta pa bolbe den transcurso di aña pa sigui promove e opcion aki pa nos studiantenan. Bishop’s
University a wordo estableci na aña 1843 y ta conta actualmente cu un populacion di mas of menos 2500
studiante. Un di aspectonan interesante di Bishop’s University ta cu e ta un Universidad Ingles, den un
provincia bilingual cu Ingles y Frances. Bishop’s University ta un universidad renombra cu ultimamente
ta hayando hopi atencion y reconocimento. Di e 98 universidadnan na Canada Bishop’s University a sali
na prome luga den “student satisfaction” y “quality of instructors” den e Maclean’s University Rankings
2016. Huffington Post tambe a nombra Bishop’s University como “Canada’s best kept secret” pa loke ta
universidadnan chikito y cu un calidad halto. Minister Hooyboer-Winklaar ta sumamente contento cu un