Page 9 - ON FEB 2

Wit Gele Kruis a lansa un proyecto cu a bay riba
conscientisacion di comunidad

Thursday, 02 February 2017 12:28
Comparti

Dos studiante di IPA a bin cu e idea, pa lansa spot na television pa conscientisa comunidad durante
actividad di Carnaval. Ya ta seis aña caba, cu e dos studiantenan a bin cu e campaña aki. Pero e spotnan a
cuminsa bira bieu, y e ora a bin cu idea pa acerca Jacobs Production, pa conhuntamente cu team di
O.K.Z. pa bin cu spotnan nobo.

Pero ora di bin cu spot nobo, mester bin cu algo pa hubentud. Wit Gele Kruis a pidi Sr. Richard Jacobs,
pa bin cu idea, y nan, hunto cu Wit Gele Kruis a bin cu e ideanan cualnan a wordo uza pa e spotnan. Sr.
Goeloe ta gradici Sr. Jacobs y su team pa a bin cu e idea aki. Wit Gele Kruis ta boga pa prevencion y
p’esey a trece cinco spot, cu ta concerni comunidad. A bay riba e parti di sun block, bebe hopi awa, pa
muchanan come bon prome cu bay carnaval y tambe wak bon pa bo yiunan. Tin biaha den fever di
Carnaval, e mucha ta perde. Ta enfoca hopi ariba esey, y por ultimo a pone hopi enfasis ariba oreanan, pa
cuida oido.

Wit Gele Kruis ta gradici Quota Club, pa cuido di oido, Kiwanis pa tema di cuida mucha, ora di papia di
awa ta papia di Fiji, un producto di Aruba Trading. Sunblock un product di Manrique Capriles. Tin un
parti di e spot cu niun hende no kier papia di dje, cual ta e parti di cuida bo mes, e parti sexual. Tur
hende tin miedo di menciona e parti sexual, pero durante Carnaval hopi cos ta pasa. Di e parti ey a haya
bon donacion di parti di Frasa Trading. Tambe House of Mosaic unda cu e spotnan a wordo graba. Wit
Gele Kruis lo keda conscientisa comunidad pa cuida nan curpa y tambe e alcohol, pa bebe, pero den
forma modera.