Page 19 - AWEMAINTA

AWEMainta Diaranson, 10 Mei 2017 19

Hobennan cu ta sali di ARUMIL

ora nan edad yega pronto

por drenta den

servicio di Gobierno

DIRECTORA di DRH (Departamento di Recurso Humano)
Omaira Lares hunto cu su team y un representante di Arubaanse
Militie (Arumil) a tene un reunion cu Prome Minister Mike Eman
y un consehero pa discuti algun punto importante pa futuro di ho-
bennan cu ta sali di Arumil. Sra. Lares a splica kico ta intencion cu e
hobennan aki despues cu nan edad yega cu nan mester bay.

“E ‘manschappen’ di Arumil ta drenta servicio cu un contract y ora nan
edad yega pa bay nan no por drenta den servicio di Gobierno.
E otro grupo di Arumil, e asina yama ‘kaderleden’ cu tin e funcion di Ko-
rporaal bay ariba, si por drenta den servicio di Gobierno. Nan por drenta
cu e salario cu nan tabatin den Arumil. Esaki p’e manschappennan no ta
posibel.
Aki’aya un tabata drenta den servicio, pero nan opleiding den
militie no ta di un nivel MBO acredita.

Esaki nifica cu si nan drenta Gobierno nan ta baha di
schaal 4 pa schaal 3. E meta di e reunionnan cu nos
ta atendiendo ta pa nivela esaki, cu nan ta drenta
den Gobierno cu un funcion sigura y cu nan ta bay
den training y haya curso pa bira p.e. un Douanero,
bira miembro di Kustwacht, CEA of bira Polis.
Nan por wordo aloca den servicio gubernamental
pa traha den administratie tambe of drenta IBISA
pa sigui opleiding pa bira sportinspecteur.
Nan ta hobennan bon entrena y
awor nos mester percura pa nan
entrada den servicio di Gobierno
bay mas flexibel.”

Omaira Lares a splica cu pa aña
ta trata di mas o menos 5 pa 12
hoben cu ta sali di Arumil, di cual
tres ta Korporaal. E areglo aki no
ta cu forsa retroactivo, pero ta algo
completamente nobo. Hopi di esnan
cu a sali di Arumil caba a drenta
sector priva.
“Nos mester trata na evita cu nos ta
perde hobennan bon forma.”

Segun Lares e motibo cu esaki nunca
e keda formalisa ta pasobra tabatin
falta di comunicacion.
Dia 5 di otro luna ta sigui un otro
reunion riba e topico aki. “E ora
DRH tin un proposicion cla caba”,
sra. Omaira Lares a bisa.