Page 5 - awm17dec2016

AWEMainta Diasabra, 17 December 2016 5

Waverunnernan di Polis a yuda mesora

POLIS MARITIMO A SCAPA BIDA

DI DOS TURISTA RIBA LAMA

Nan a bolter for di waverunner y a bay den panico

DIARAZON Polis Maritimo a scapa 2 turista di
e barco Carnival Sunshine, kendenan a huur wave-
runner di Caribbean Watersport. A bati alarma pa
5:30pm cu un persona ta mira 2 persona a cay di
waverunner na un distancia di mas o menos 500
meter for di tera, pabao di Amsterdam Manor. El a
mira cu e waverunner a drief bay sin hende riba dje.
Mesora Central di Polis a activa y a manda un patruya
di Polis Maritimo pa bay brinda asistencia.
E dos patruyanan BP-4 y BP-5 cu ta waverunnernan
di Polis y cu tabata patruyando den e area a yega
mesora n’e sitio.
Patruyanan den auto a yega n’e area den 2 minuut di
tempo pa tin mas bista for di canto. Asina riba lama
Polis Maritimo a topa e dos hendenan so den awa,
nan tabata hopi spanta y den panico casi pa hoga.
E waverunner mes tabata leu for di e turistanan y dor
di coriente di laman y biento fuerte tabata imposibel
pa yega n’e waverunner bek.
Polis Maritimo a yuda e dos personanan aki, saca nan
for di awa y transporta nan pa tera. Na tera Polis a
hala atencion di e compania Caribbean Watersport
pa nan ta mas pendiente di nan waverunnernan ora
nan huur cu turista.
Polis Maritimo a duna e compania Caribbean Wa-
tersport e posicion mas o menos unda e waverunner
di e turistanan lo tabata drief p’e compania mes bay
busk’e.
E dos mucha turistanan a keda masha contento cu
e actuacion rapido di Polis, cu a salba nan den e
situacion di panico y spanto cu nan tabata encontra
nan mes aden.
Ta trata aki di e mucha muher di inicial N.P., naci na
Merca di 13 aña di edad y E.S. tambe naci na Merca
di 37 aña di edad.