Page 12 - BNDIA ARUBA

a12 riba caya
Diamars 18 Juni 2019

Homber a hinca otro pa motibo di placa

ORANJESTAD – Diasabra anochi despues di e wega
di Copa America, Colombia contra Argentina pafo di
Manuelito’s, dos homber a cuminsa discuti cu otro pa
motibo di placa.
Un a dal e otro un solo mokete den cara pa despues pasa
man pa un obheto skerpi y corta e homber na su garganta. E
agresor a bandona e sitio bay na un caya atras. Polisnan a yega
di biaha papia cu e victima. Ambulance a presenta y atende
cu e homber y a keda transporta pa hospital pa atencion
medico avansa. Polis a bay busca e agresor y a keda deteni.

Departamento forensico di polis a yega pa saca evidencia y
recherche a tuma dato pa sigui cu e caso.

Truck di cuminda na Eagle

Beach pega na candela

ORANJESTAD – Diasabra mainta, un persona a bati
alarma na centro di emergencia cu e truck di cum-
inda staciona na Eagle Beach lo ta full na candela.

Brandweer ta yega di biaha y di inmediatamente bomberonan
a drenta accion pa combati e candela. Polis tabata presente pa
tuma dato, y a notifica esnan encarga cu e truck di cuminda
di e sucedido.

Persecucion na pia tras di homber cu a horta turista

ORANJESTAD – Diasabra pasa di 12or mer-
dia polis a presenta na Holiday Inn pa un asisten-
cia, unda un homber a horta pertenencia di turista.

Personanan a indica polis kende e homber ta, y ora cu oficial
a bay acerk’e, e sospechoso a cuminsa core pa e oficial. Aki a
start un persecucion na pia, unda cu e sospechoso a subi ca-
minda di Palm Beach, drenta e mondi pariba di Palm Beach
Plaza. Polis a logra di manda e homber vloer y asina a detene.

K9 Unit tambe a presenta pa asina duna un man na e oficial- aviso@bondia.com
nan cu tabata den e persecucion na pia.