Page 13 - AWEMAINTA
P. 13
Diamars, 24 September 2019 AWEMainta 13
Dos dama stranhero den un Toyota Tercel cora a
ocasiona dalmento pa despues huy for di sitio
DIALUNA den oranan di mainta a sosode un accidente n’e crusada poco
panort di Lito Convenience Store, na Solito. Un Hyundai van tabata riba e
caminda di preferencia y un Toyota Tercel cora cu dos dama den dje no ta
dune preferencia. Nan djes yega subi caminda y ta dal contra e Hyundai
V-car cu tabata riba e caminda di preferencia. Mesora despues cu e dos
damanan aki a causa e dalmento, ambos ta huy for di sitio.
E dos damanan aki tabata papia Spaño y muy probablemente lo ta trata di
dos persona cu ta kedando ilegal riba nos isla. E dos damanan aki a desa-
parece for di e sitio prome cu Polis a yega, un a bandona e sitio prome cu e
otro. E prome lo a haya den un frega di wowo un lift y e otro, un SUV Hon-
da CRV color cora a presenta n’e sitio y el a subi den dje y asina e tambe
a bandona e sitio, lagando e auto atras. Tin fuerte sospecho, mirando con
nan a desaparece, lo mester ta trata di dos señora ilegal.
Ora polis a yega n’e sitio, el a wordo avisa di loke e dos señoranan aki a
haci, tambe na momento cu e tabata atendiendo cu e dalmento, doño di e
Tercel cora a presenta n’e sitio, el a saca tur e papelnan di auto cu tabata
na ordo, pero e NO tabata tras di stuur.
Polis tabata evaluando si nan lo tuma e auto den beslag. No ta conoci si el
a duna Polis cuenta y a bisa kende e dos damanan den su auto tabata y cua
tabata e chauffeur y dicon el a huy.
E chauffeur di e Honda CRV cora tambe a bin bek n’e sitio, pa duna cara,
el a bin bisa Polis cu el a duna e dos damanan aki lift.
Coremento di auto sin rijbewijs of laga ilegalnan core auto ta keda un
riesgo pa doñonan di e auto. Hopi doño di auto no ta compronde cu si e per-
sonanan ilegalnan aki, sin rijbewijs, ocasiona un accidente, kibra pal’i lus,
causa un accidente cu hende herida, den cual lo por tin gastonan medico
halto etc. cu tur gastonan aki lo bay core pa cuenta di e doño di auto.
