Page 15 - AWEMAINTA
P. 15
Diamars, 24 September 2019 AWEMainta 15
International Housekeeping Week 2019,
Tabata yen di evento y celebracion
na Hilton Aruba Caribbean Resort & Casino
INTERNATIONAL Housekeeping Week 2019, ta-
bata repleto di alegria y consentimento p’e trahadornan
balente di e team di Housekeeping di Hilton Aruba Ca-
ribbean Resort & Casino.
E siman di evento, organisa pa Departamento di Hu-
man Resources, tabata super interactivo y prepara den
colaboracion cu e otro departamentonan.
E siman a inicia cu un photoshoot sorpresa di tur e cole-
ganan cu un paisahe beyisimo di Mira Solo como fondo,
cada imagen a keda poni den lijshi y presenta despues di
un Santo Sacrificio di Misa, cu a inclui un dushi break-
fast den e Morris Lapidus Grand Ballroom.
E sigiente dia, coleganan a conveni riba den e Miramar
South Lawn, pa algun ehercicio di team building ameno
durante atardi.
E “spel zonder grenzen” bon pensa a duna e team opor-
tunidad di ehercita nan curpa, hari y gana premio den
un variedad di wega manera stoelendans, balloon pop y
mas.
Diaranson tabata dia pa Bingo. Coleganan a reuni den
Laguna Restaurant, pa un workshop di baile electri-
zante, sigui pa un dushi wega di Bingo, y claramente,
algun premio no por a keda afor.
Diahuebs, e comite Blue Energy hunto cu varios colega
di diferente departamento a bisti nan glove di limpieza
y a sorprende coleganan di Housekeeping den e kamber-
nan y den laundry, pa yuda nan cu nan trabou diario.
E gesto aki a keda sigui cu un sorpresa di Donuts cu un
nota especial adhunto na cada un.
Diabierna e celebracion a conclui den bon forma cu un
bus trip p’e team di Housekeeping. Coleganan por a re-
laha y laga los mientras cu nan a celebra cu snacks y
soft durante un recorido rond di nos isla.
International Housekeeping Week na Hilton Aruba Ca-
ribbean Resort & Casino tin como meta pa reconoce y
demostra e aprecio inmenso pa tur e contribucionnan y
trabou duro cu e hotel su “back-of-the-house heroes” ta
haci diariamente.
