Page 2 - AWEMAINTA
P. 2
2 AWEMainta Dialuna, 8 October 2018
Di acuerdo cu Ugo Savino (Carnival Cruise Line)
Aruba ta un destinacion importante pa Carnival Cruise
DURANTE e simposio di crucero di diabierne ul-
timo, nan tabatin como orador invita, Ugo Savino,
kende ta Deployment & Itinerary Planning di Car-
nival Cruise, kende a duna di conoce cu Aruba ta
un di e “key destination” den Caribe p’e industria di
crucero.
Esaki ta danki sigur na su población, cu semper a sa
di sostene tur compania crucero cu toca haf di Aruba.
Y Carnival Cruise, tur su cruceronan tin masha
reconocimento y aprecio pa Aruba, cu ta motibo e.o.
cu durante henter aña por mira un of mas crucero di
Carnival na Aruba, segun Ugo Savino. Carnival tin
mas di 40 call durante aña y esaki so ta demostra
e credibilidad cu Aruba tin den e compania crucero
aki.
Recientemente un di e cruceronan mas nobo, esta
Carnival Horizon a haci su prome bishita na Aruba y
asina ultimo añanan e cruceronan grandi di Carnival
ta pidi pa pone Aruba den nan iterinario.
Segun Ugo Savino, esaki ta otro muestra di e com-
promiso cu Carnival tin cu Aruba, pa bisa cu Aruba
y Carnival ta forma un partner di otro.
E exito di Carnival t’e exito di Aruba y e exito di Aru-
ba, t’e exito di Carnival. Pesey p’e personalmente ta
un placer di ta na Aruba, participando n’e simposio
aki, unda Aruba ta celebra 60 aña di bishita crucero.
Tur aña tin cambio den iterinario di Carnival Cruise,
pa nan huesped no fada di e crucero, pero manera
menciona, semper tin mas demanda pa sigui bisihita
Aruba. Y manera menciona caba, Carnival Cruise ta
forma un partnership cu Aruba.
Pa ora cu un huesped baha for di e crucero, e baha
contento y tin gana pa bin bek. Pero no ta solamente
p’e pasahero, pero pa tur otro hende e.o. e taxista, e
tour operatornan, e waiternan, nan tur mester mira
e industria di cruise tourism ta importante. Pesey ta
masha importante pa cada uno un biahe asina, ta
uno memorable y sigur p’e pasaheronan di Carnival
Cruise, pa tin gana di bolbe Aruba un biaha mas, se-
gun Ugo Savino.
