Page 21 - MIN VOS_Neat

Noord Lab Center NV ta regala pashentnan hand sanitizer

Monday, 08 May 2017 11:29
Comparti

Ta celebra dia mundial di Higiena di Man riba dia 5 di mei. Organisacion Mundial di Salud a declara e
dia aki pa encurasha trahadonan di sector salud, pashentnan, famia di pashent y tur persona pa uni
esfuerso pa practica higiena di man. Segun Organisacion Mundial di Salud (OMS), cada aña, miyones di
persona rond mundo ta wordo afecta pa infeccionnan asocia na cuido di pashent.

Mas cu mita di e enfermedadnan aki lo por wordo evita si e persona cu ta rond di e pashent ta haci su
mannan limpi di manera adecua na momento di brinda servicio na e pashent. Higiena di man ta e acto di
haci man limpi cu of sin uza awa of otro likido, cu of sin uzo di habon cu proposito di kita sushi, tera, stof
y bacteria. Higiena di man den sector medico tin di haber cu e practica di higiena relaciona cu e
dunamento di remedi of cuido medico cu por preveni of minimalisa e presencia di enfermedadnan cu ta
plama. Higiena di man ta specialmente importante pa hende cu ta traha den sector salud; pero tambe ta
un practica hopi importante pa publico en general. Un ehempel hopi frecuente di un enfermedad cu por
wordo preveni ta un malesa respiratorio. Hende por infecta otro si nan no laba nan man bon y despues
nan ta touch nanishi of boca, ey nan e infeccion ta cuminsa. Relaciona cu e dia ey, Noord Lab Center NV
a regala su pashentnan un hand sanitizer cu un flyer cu splicacion di e manera corecto pa sanitize (hand
rub) nan man. Di e manera aki, Noord Lab Center NV a mustra su compromiso pa siña comunidad con
prevencion ta clave ta evita enfermedadnan. Noord Lab Center NV ta invita su pashentnan pa bishita nan
sucursal situa na Noord 63 durante e siman di 8 pa 12 di mei pa busca un hand sanitizer.