Page 22 - MIN VOS_Neat
P. 22
Oncoloog Dr. Deepu Daryanani: Ta Preparando Pa
Trece Radio Terapia Pa Trata Pashentnan Di Cancer
Na Aruba Mes
Un grupo di specialista di Aruba, entre otro oncologonan, a biaha recientemente pa
Merca pa dos dia pa haci un bishita na Baptist Miami Cancer Center. Baptist tin awor un
edificio nobo state of the art cu nan a traha na South Miami. Loke cu dr. Deepu
Daryanani hunto cu un grupo di oncologo a bay mira ta e servicio y ekiponan di radio
terapia pasobra ta preparando pa trece esaki na Aruba, specificamente na IMSan na San
Nicolas.
A bay mira e mashinnan cu tin na Baptist Miami Cancer Center, a bay mira nan forma di
traha y a keda masha impresiona cu loke nan a mustra. Nan actitud na Baptist ta masha
positivo y ta obvio cu nan kier yuda IMSan, unda cu lo haci un setup den cual IMSan lo
bira un sorto di “dependance” di Baptist na Aruba. Asina aki pa por bestraal
(radioterapia) e pashentnan di cancer cu awor mester biaha pa Corsou of Colombia.
“Nos a streef hopi aña caba pa haci esaki. Esaki ta un potencial di tin un bon partner y mi
ta spera cu nos logra finalisa tur detaye chikito, pero esey mi ta laga na Minister y AZV
pa nos por trata nos pashentnan. Si nos logra esaki, 80% por lo menos di nos pashentnan
cu ta bay afo pa bestraling, por wordo haci na Aruba mes”, asina dr. Deepu Daryanani a
finalisa bisando.
