Page 36 - MIN ON

Participantenan di ‘ELMAR Mural Project’ a ricibi kalender
cu nan pintura

Wednesday, 14 December 2016 19:02
Comparti

N.V. ELMAR a organisa e bunita proyecto di "ELMAR Mural Project". Den e proyecto aki muchanan di
diferente scol a participa diseñando un pintura cu tabata relaciona cu e topico di Aruba Sostenibel. Na
final di e proyecto a scoge 10 ganado kendenan a haya oportunidad pa traha un mural na e cura di N.V.
ELMAR na Hato bao guia di e artista Robert Tromp.

E muchanan por a firma e mural cu nan mes a traha. Ta trata di un mural di 60 meter hancho cu tin riba
dje e pintura final cu e muchanan a traha reflehando "Un Aruba Sostenibel". N.V. ELMAR ta hopi
orguyoso di por a bira parti di e bunita iniciativa aki saliendo for di e punto di bista cu e mensahe y vision
ta coincidi cu e principionan di e compania. Mester menciona cu e participantenan a ricibi un kalender
recuerdo for di N.V. ELMAR cu e pintura original. Nan a keda masha contento mes. Pronto nos lo parti e
kalendernan pa nos clientenan tambe. Ta invita henter comunidad pa pasa dilanti e edificio di N.V.
ELMAR na Hato y admira e tremendo obra di arte cu nos muchanan a diseña.