Page 9 - MIN ON

AWEMainta Diahuebs, 15 December 2016 33

Diahuebs ta start un otro fin di siman di

hopi ambiente y compras den Caya Grandi
E di tres den serie di T’Aki Tin

E fin di siman aki ta otro di bay disfruta na grandi den Caya
Grandi. E di tres fin di siman ta ranca sali, manera custumber,
diahuebs.
Ademas cu tiendanan lo tin Shopping Night, tambe lo tin
musica, entretenimento y sorpresa.
Cos bunita pa wak y cumpra, cosnan dushi pa come y saborea
y hendenan conoci pa cuminda y comparti e dianan di fiesta;
tur esaki e fin di siman aki durante T’Aki Tin den Caya G.F.
Betico Croes.

Dia 15 di december varios tienda lo ta habri te 8’or di anochi,
specialmente Dufry.
Aki ta bay tin un ambiente tremendo cu transmision en bibo
di e programa di radio “Na drempel di fin di aña” cuminsando
ya caba for di 5’or di atardi.
Durante e evento aki tin oportunidad pa haci entrega di dona-
cion na Imelda Hof pa ricibi a cambio, regalonan bunita for di
e diferente tiendanan den Caya Grandi.

Riba diabierna 16 di december, Gianni’s Group ta ofrece un
fabuloso evento di Happy Hour riba Plasa Daniel Leo cu en-
tretenimento en bibo.
E oferta gastronomico ta continua riba diasabra 17 di december
ora cu Renaissance Aruba Resort and Casino arma su pop up
restaurant riba Plaza Daniel Leo. Eynan mes lo tin e accion
pa recaudacion di articulo pa Imeldahof caminda bo ta ricibi,
a cambio di bo donacion, un regalo for di comerciantenan. E
regalonan ta varia entre certificado, descuento y mercancia.

Ya for di 1:00pm bo por disfruta di e ambiente unico di fin di
aña hunto cu e musica en bibo di agrupacion di Gaita, “Gaitas”
cuminsando 1:00pm.
Cana trankil y wak tur cos bon paso bo por keda te anochi.
Algun di e tiendanan cu ya a confirma di lo ta habri ta: Man-
go, Penha, Nike, Under Armour, Polo, Totto, Kok Optica,
Alctoria’s Secret, Bath & Body Works, The Loft, The Sting,
Rincon, United Colors of Benetton, La Moderna, La Linda,
Ollé, Little ones, San Marina, Star Fashion, Sun Specs y Amito.
Naturalmente temporada di fin di aña no ta posibel sin Santa
Claus. E tambe lo t’ey diasabra dilanti di Maggy’s pa tur es-
nan cu kier cumind’e y saca potret. Aki tambe lo tin delicioso
“poffertjes” pa saborea.
Pa mas informacion riba tur esaki y mas na caminda, bishita
e pagina di Facebook: T’Aki Tin. Cumpra, Come y Coopera
cu Oranjestad!