Page 19 - BNDIA ARUBA

a19
deporte internacional Dialuna 20 Mei 2019

Alonso no ta logra pa Indy 500

INDIANAPOLIS (AP) — E dos-biaha campeon mun-
dial, Fernando Alonso, a wordo saca di e Indianapolis
500 ora el a faya cualificacion pa e carera di proximo
siman, riba e di dos y ultimo dia di cualificacion riba e
ovalo di 2.5 miya.

E Spaño a sali den un golf cart cu su team di McLaren Rac-
ing, despues cu Kyle Kaiser a dal Alonso for di e spot #33 cu
e carera final den e ultimo rij di seis auto. E tempo cualifi-
cado di Kaiser, 227.372mph no tabata hopi miho cu Alonso,
na 227.353.
Kaiser tabata coriendo den un auto di backup despues di un
accidente durante practica diabierna.
Coredo Canades, James Hinchcliffe, a evita perde e carera pa
e di dos aña consecutivo. E tabata e prome pafo despues di un
retraso pa motibo di yobida di mas di cuatro ora, y a logra un
velocidad averahe di 227.543. E lo cuminsa na #32 pa Arrow
Schmidt Peterson Motorsports.
E Mericano, Sage Karam, tabatin e corida mas lihe di e se-
sion, cualificando #31 cu un averahe di 227.740. Tan-
to Dreyer como Reinbold Racing ta awo den e carera.

McLaren a uza e retraso pa yobida na Indianapolis Motor
Speedway pa hinca un auto den otro pa purba cualifica pa e
carera. E auto den cual Alonso a haci su ultimo intento pa cu-
alifica a ricibi asistencia di varios team den e garage, y ta inclui
ayudo di Andretti Autosport. Hopi a pensa cu McLaren a ricibi
ayudo di Team Penske – director di team di McLaren, Gil de
Ferran, ta un ganado di Indy 500 pa Team Penske – y Chevrolet
a asisti cu e set up. Presidente di McLaren, Zak Brown, a bisa:
“Esaki ta un paddock amistoso. Hopi mas amistoso cu F1.”
E team a yega como 10 minuut laat ayera mainta pa un sesion
breve di practica prome cu e ‘Last Row Shootout’, y Alonso
no a logra completa un buelta prome cu e parti atras di su auto
a dal abou lastra riba e superficie di e pista.
McLaren a tira un set up completamente nobo riba e auto, y
tabata purbando franticamente di mira si e tabatin velocidad.
Alonso a logra apenas cinco buelta mas prome cu e sesion a
para.
E resto di atardi tabata frenetico, mientras ingenieronan di
McLaren tabata traha riba e auto di Alonso pa purba sigura un
di e ultimo spot den e carera, cu lo tuma luga dia 26 di mei
proximo.
McLaren a core den Indy 500 pa ultimo biaha den añanan
1970s, pero a purba un intento e temporada aki, pa yuda
Alonso completa su hazaña di e version ‘Triple Corona’ den
motorsport, y como un test pa un potencial IndyCar team.
Pero e proceso a resulta un desaster for di dia di apertura pa
motibo di problema electrico, un accidente di Alonso, retra-
sonan largo pa construi un auto nobo p’e, un taira cu a kibra
den su prome intento pa cualifica, y finalmente, un auto de-
masiado dificil pa Alonso maneha pa cualifica den top 30 di-
asabra.