Page 37 - Djamars 29 yanuari 2019.pdf
P. 37
Djamars 29 Yanüari 2019 37
Kontinuashon di pagina 6
Ulanda no ta di konfia!
Rhuggenaath lo bai haña
un di dies ministerio, ku lo
tin un lider di transishon
na kabes. Esaki lo bai
inventarisá i duna prioridat
na e proyektonan ku tin un
grado haltu di rendimentu.
E promé tarea dje lider
aki lo bira lantamentu di
e ‘mesa di konosementu’
(kennistafel). Ta ulandesnan
lo bai lanta e mesa di
konosementu aki i lo bini
ku nan hendenan.
Segun Rosalia, a sòru
pa krea un situashon di tal
forma ku finansa ta malu,
nada no ta bai bon, i komo
tal CFT lo bai tin un ròl di
teatro e último lunanan pa
hasi komo si fuera e ta pone
preshon, pa despues duna
un trato mas bunita na nos
Minister di Finansa, i asina
pone e plataforma pa yega
na e “convenant” sin mester
bini ku “aanwijzing”.
Asina durante e anochi,
kual a ser transmití via
di medionan sosial por
a skucha e diferente
oradornan, i na un
konklushon por a yega, i esei
ta ku no por konfia Ulanda
den henter e kombenio ku
e dos promé ministernan a
firma siman pasá.
