Page 10 - ARUBA BANK
P. 10
Parlamentario Daphne Lejuez Di MEP: “Un Iniciativa
Di Ley Pa Debolbe Transparencia Di BBO Y Prijs Na
Consumidor”
Politica
- 20/06/2019
Den cuadro di e decision tuma na fin di 2018 pa locual t’e transicion pa kita BBO for di e
recibo, Parlamentario Daphne Lejuez a enfatisa cu su persona fungiendo su trabao como
Parlamentario y despues di a comunica cu stakeholders, a entrega un ley di iniciativa pa
debolbe transparencia di BBO y prijs den e recibo te ora cu tin claridad riba kico ta bay
pasa cu e di dos parti di e Reforma Fiscal, cu e BBO actual, pero tambe despues cu mas
sondeo keda efectua riba e posibel efectonan di e decision pa kita e BBO for di e recibo.
“E hecho cu a kita e BBO for di recibo y ley awor ta exigi pa inclui esaki den prijs di
articulo of servicio, ta conduciendo aworaki na un percepcion cu e BBO ta wordo scondi
y por conduci na incrementonan di prijsnan di benta den articulo y servicio, y di e forma
aki aumenta costo di bida y di haci negoshi inecesariamente tambe,” e Parlamentario a
comenta.
