Page 14 - ARUBA BANK

tema di indexering, pa loke ta e demanda di trahadornan di gobierno, pero nan a scoge
pa no elabora riba e tema aki den prensa.

Reunionnan cu tin tumando lugar a bay hopi bon, segun e dignatario, y e sindicatonan

a haci e peticion mientras cu di parti di gobierno a splica e situacion aunke nan ta
compronde su obligacion cu, como doño di trabao, tin cu e ambtenaarnan.

Pero di otro banda como gobernante di e pais nan mester tene cuenta cu e situacion cu

tin. “Y cu e situacion cu tin na e momentonan aki, gobierno ta haci un esfuerzo grandi
pa asina, den e situacion cu tin, ta haci tur su esfuerzo pa keda cumpli cu loke pueblo
ta spera di servicio di gobierno”, e dignatario a subraya.

E mandatario a agrega cu bao di e situacion aki tin tur e peso financiero cu a bin extra
cu ta trece cune, cu aworaki e espacio (pa indexering) no tey, y cu e tin cu wordo crea.

Minister Ruiz Maduro a indica cu esaki ta locual e por bisa di e reunionnan cu ta wordo

hiba na e momentonan aki den cual e ta hiba palabra, y ta wordo acompaña dos otro
minister. Tur e sindicatonan tabata presente y a haya e presentacion y tur informacion
a wordo brinda, preguntanan cu tabata tin a ser contesta.

Aworaki e sindicatonan ta bay bek na nan miembronan pa por duna nan e informacion.
Nan a opta pa no hiba e discusion aki den prensa, pasobra esaki mester ta papia na
mesa y ora cu tin resultado concreto e promenan cu mester wordo informa ta e
miembronan di sindicato.

E minister a agrega cu mester tene cuenta cu Aruba ta un pais bao Reino Hulandes, y
cu tin protocol cu ta trece mas presion financiero y mas ainda, tin e aspecto
internacional cu ta e inversionistanan y mester asegura cierto cifranan y accionnan cu

mester tuma pa drecha e situacion financiero, y esaki ta aspectonan cu ta limita e
espacio financiero cu Aruba tin.

https://www.diario.aw/2019/06/espacio-pa-indexering-pa-empleado-publico-no-tin-aworaki/