Page 13 - AWEMAINTA
P. 13
Diasabra, 20 juli 2019 AWEMainta 13
Prome Minister Evelyn Wever-Croes:
FUTURA cu otro workshop exitoso pa nos muchanan
DIAHUEBS y diabierna, FUTURA hunto cu Gamma
IT Solutions y SETAR a organisa un ‘Coding Work-
shop pa nos muchanan entre 9 pa 12 aña. E workshop
tabata bon atendi cu un total di 40 mucha, kendenan
a participa cu hopi animo y entusiasmo pa siña con pa
code y traha nan mesun weganan.
Prome Minister Evelyn Wever-Croes a bishita e ac-
tividad aki diabierna merdia y a entrega certificado
n’e muchanan, kendenan a participa.
Loke cu e muchanan a siña den e dos dianan aki, nan
lo por sigui construi riba dje y sigui siña mas y ta fa-
cilita pa den futuro ora cu ya na scolnan bukinan no
wordo uza mas sino mas y mas tur cos lo bay ta na
computer.
Ora muchanan ta domina computer na un edad jong y
ta cuminsa code na un edad jong, mihor prepara nan
ta tambe pa haci nan lesnan di scol.
Y esaki ta habri porta tambe pa trabounan di futuro.
Y ken sa si ta e mesun muchanan aki un dia por ta
esnan cu ta code y traha programanan pa Gobierno.
FUTURA t’e fundacion di Gobierno di Aruba cu ta en-
carga pa ehecuta e vision di inovacion di Gobierno di
Aruba y ta bou di encargo di Prome Minister. Pa Gabi-
nete Wever-Croes, inovacion ta prioridad. Y den esaki
ta importante pa cuminsa cerca nos muchanan.
Aruba merece di un Gobierno cu ta dinamico cu tin
e capacidad pa enfrenta tur reto cu lo por bin den su
caminda den futuro.
Como un isla chikito nos ta rico den curashi y spirito
di renobacion. Tur esaki ta tera fertil pa inovacion.
Por medio di colaboracion y un maneho responsabel,
FUTURA bou di e direccion inovativo di Prome Min-
ister Evelyn-Wever Croes tey pa duna su aporte n’e
desaroyo sostenibel di nos economia y ekipa nos Gobi-
erno, nos hendenan y nos futuro generacionnan cu e
habilidadnan pa enfrenta e retonan di futuro.
Prome Minister un biaha mas ta felicita FUTURA cu
un otro actividad exitoso pa nos muchanan y alabes ta
desea tur mucha un bon vakantie di scol.
