Page 8 - AWEMAINTA
P. 8
8 AWEMainta Diasabra, 20 juli 2019
Trabounan di embeyecemento na
Pro Catedral San Francisco de Asis
Departamento di Obra Publico ta informa pueblo di Aruba en
general y specialmente nos automobilistanan cu ta haci uzo di e
area di Kerkstraat/Caya Ernesto Petronia cu dialuna awor dia
22 di juli 2019 lo cuminsa cu trabounan di embeyecemento di-
lanti di Pro Catedral San Francisco di Asis.
E trabounan ta encera instalacion di iluminacion, construccion
di e area di peaton, construccion di e caminda dilanti y panort di
e Catedral cu klinkers y re-structura e parkeerplaats.
Ta bay haci e trabounan den fase y lo cuminsa cu preparacion di
cobamento y construccion panort y dilanti di Rosa College y lo
sigui dilanti di e Catedral.
Despues ta sigui pabou di e Catedral (ex Circle K) cu e construc-
cion pa re-structura e parkeerplaats.
E trabounan menciona lo tin un duracion di 100 dia di trabou.
En conexion cu e trabounan menciona Departamento di Obra
Publico ta haci un peticion na tur automobilista y busnan pa
tene cuenta cu no por haci uzo di e parkeerplaats na altura di e
Pro Catedral San Fransisco di Asis, ni dilanti Ex Circle K.
Porfin otro siman lo tin
veredicto den caso di Lotto
Secretaria di Corte di Husticia, mr. Andreina Wever a duna di conoce cu
otro siman dia 24 lo tin definitivamente lo tin sentencia den caso di Lotto
pa Deporte.
Despues di lunanan di espera, Corte lo dicta su veredicto diaran-
son awor 24 di juli 2019.
Segun e comunicado di Secretaria di Corte di Husticia, e senten-
cia ta programa pa keda presenta e diaranson mainta pa 9’or di
mainta. E sentencia tin cu determina kico ta pasa cu e directiva
di Lotto, esta si nan ta keda sinta of si nan mester bandona nan
puesto.
Tabata varios luna caba cu Corte pa 8 biaha a bin ta pospone e sentencia,
unda cada luna practicamente for di october, tur esnan envolvi ta pendi-
ente un veredicto.
Manera a indica caba, ta trata di e veredicto den e caso di apelacion unda
cu Gobierno kier ‘core’ cu e miembronan di supervision (RvT).
Sigur tur hende ta ancioso pa sa con Corte ta pensa riba henter e desa-
royo aki. Y maske por tin un veredicto, ainda tin mas caso pendiente di
mesun Lotto pa Deporte.
