Page 49 - MIN SOC

Diego de Cuba: Idea di planta ta un di e promenan di parti di
sindicato STA

Thursday, 09 February 2017 21:33
Comparti

Dialuna STA tabata tin reunion cu Gobierno y diaranson nan tabata na e mashin di shred na dump.

Diego de Cuba, presidente di STA, a splica cu na principio, ora cu a cuminsa cu reunion dialuna, nan
tabata hopi leu for di otro. E planta en cuestion tabata tin basta tempo pasa. E planta ta procesador di
sushi cu tabata tin. Tabata algo di Boldwin and Lawson. Si wak esaki bon, 32 miyon florin tabata para,
siendo cu por a haci uzo di e planta. STA a bin cu idea pa minister, proponiendo pa shred palo, mata di
kiwhi, desperdicio di mata y e mesun material cu a saca for di eynan, ta uze bek den naturalesa, por
bruhe cu gordura, por uze pa planta mata y hasta por exporte. Nan a bisa cu ta un bon idea, y berdad pa
laga e planta para putre, miho haci algo cun’e. Esey ta un di e prome ideanan di parti di sindicato STA.
Aparte di esaki, si wak bon, ta un planta bastante grandi e ta. Awor aki ta formando un team pa cleanup y
wak cu e mesun hendenan cu a traha cu e planta aki na prome instante, pa wak kico falta pa pon’e draai
pa e proceso ey di shred e desperdicionan di mata.
Locual cu segun de Cuba ta un fase cu por wordo cumpli cun’e, pasobra e ora no lo bay tin mester di e
chiller, caminda cu ta fria banda pariba. E planta no lo bay wordo rehabilita den tur su totalidad. Pero pa
e pida cu por uza pa cuminsa shred mata, por ta e prome fase y despues por wak kico lo por wordo haci.

E ora mester ta sigur cu e planta por keda draai. Awor aki tur hende ta wak cuanto truck di sushi ta
drenta cu mata, yerba, desperdicio di mata. E cosnan aki tur por wordo uza bek den naturalesa y STA ta
contento cu ministernan Sevinger y de Meza a bay di acuerdo cu e proposicion.
De Cuba mes, hunto cu minister a bay wak e posibilidad na Venezuela pa wak e posibilidad cu por
transporta cierto cantidad di sushi pa Venezuela riba barch. Esey ta un di e tareanan cu STA lo ta encarga
cun’e cu autorisacion di minister. Na final di cuenta pa pais Aruba, por sali beneficia di dje.
Indirectamente e trahadonan tin mas cos di haci. Si wak e futuro bon, Aruba ta crece so. Desperdicio lo
bay tin na cantidad. Nos mester bay busca un modo con pa handle esaki mas eficientemente y con por
deshaci di dje tambe mas eficientemente.

Tin hopi cos cu a wordo papia den reunion, con ta bay haci pa deshaci di desperdicio, vooral di
construccion, cu por bay yena damnan cu ta coba y con ta bay haci esey, kico ta bay haci, con ta e
procedura cu ta bay wordo hiba, lo bay ta den e siguiente fase. Den dos siman di tempo lo bay evalua kico
falta pa start up e mashin aki. Pa loke ta trata coriente, piesa, tur e kabelnan di koper. Manera cu tur
hende sa, na Aruba tabata tin un racha di hortamento di koper. E planta aki tampoco no a scapa. Tambe
nan a bay cu basta di e kopernan cu tin eyden. Pero esey no ta kita cu por haci un inventario wak
berdaderamente kico ta e costo pa por restart e planta eynan. E ora eynan present’e na minister y
minister bay di acuerdo, ta pone e mashin cuminsa traha bek y pone e hendenan na disposicion di e