Page 54 - MIN SOC

SADA riba reunion cu minister Bermudez diahuebs atardi:
Awor aki tin cu bay sinta na mesa y traha riba un plan nobo

mas pronto posibel

Thursday, 09 February 2017 22:05
Comparti

SADA tabata tin reunion cu minister Bermudez diahuebs atardi y tin di compronde cu tur cos a draai riba
e preocupacion di e douaneronan cu ta perde parti di nan area di trabao na aeropuerto.
Eduard Maduro, presidente di SADA, a splica cu a bolbe sinta cu minister awe un biaha mas, mirando cu
diamars caba a sinta cun’e den oranan di atardi. Tabata un reunion basta extenso unda cu a trece atrobe
tur punto dilanti den detaye pa splik’e precies kico ta e punto di bista di SADA y e peticion cu e coleganan
a pone riba papel p’e. A keda te atardi laat y for di eynan e minister a tuma su tempo liber y e mes a bay
aeropuerto diamars anochi wak un ke otro. Diahuebs a compronde for di su persona cu el a sinta cu e
board di AAA y tambe den parti merdia el a bolbe bay aeropuerto pa asina tuma nota ora cu tin mas fluho
di pasahero, pa asina e por traha un conclusion completo y basa riba su mesun opname. Akinan por bisa
cu el a wak hopi cos cu a bin ta trece dilanti, unda cu el a comparti e pensamento cu sindicato SADA a
trece dilanti. Esey el a notifica cu el a papia cu board di AAA, unda cu a papia cu mester keda cu ambos
banda cu locual tabata boga p’e pa keda cu un fluho di pasahero, pa asina por centralisa of hinca tur
hende den un solo skina, manera nan kier a haci. Esaki ta unda cu el a trece pa e board. Por bisa tambe
cu tempo cu a bin haya e mapanan original di AAA, e sindicato mes a bay sinta den seno y a schets mapa
y un di nan a bolbe bin dilanti pasobra AAA e tempo ey no kier a tumanan den consideracion pasobra a
bisa nan cu por geef op e parti unda tin e carosa mey mey. Esey pa hopi aña un carosa tin para pa
turistanan admira. A bisa esey ta e parti unda cu SADA ta kere ta mas cu suficiente cu por entrega y
mantene ambos banda di control. AAA no kier a tende di esey. Nan a bisa cu no por traha pa nan pasobra
ta un espaico hopi chikito unda cu no por acapara e carrentallnan cu nan kier bin cun’e y asina cu nan a
sigui cu nan plannan cu te awor aki nan a cuminsa traha riba dje. Esaki ta locual cu e minister a haya
hopi bon, e schets cu SADA a entrega. El a bay cu esaki y a bisa e board cu e ta kere cu loke e sindicato a
trece dilanti ta motibonan valido y akinan el a splica nan cu e ta kere cu esey ta e direccion cu tin cu bay.
E minister awe cu per direct e bouwcommissie tin cu bay funciona y sinta, traha riba un plan nobo mas
pronto posibel pa asina bin cu un diseño, cu e punto di salida di e schets cu tabata tin caba. Awor aki tin
cu bay sinta na mesa y traha riba un plan nobo y mas pronto posibel.