Page 32 - ATA
P. 32
DIAMARS TRAHADONAN DI
TRIPLE A TA DICIDI ENTRE
FTA Y STA
26 August, 2019, 11:59 am
Despues cu algun luna pasa sindicato Federacion di Trahadonan di Aruba (FTA) a keda
acerca pa un grupo di trahado na aeropuerto pa representa, a yega momento pa e
referendum, manera prescribi pa ley tuma luga.
Den combersacion cu abogado Hose Figaroa, asesor huridico y vice presidente di FTA, el
a splica cu despues di e preparacion finalmente e referendum aki ta tuma luga, diamars,
27 di augustus, for di 11.30 si mainta pa 3.30 di atardi, na aeropuerto mes.
Un grupo di casi 100 trahado a acerca FTA pa ta nan representante oficial pa e siguiente
negociacion pa CAO, sinembargo esaki no por sosode tanten cu FTA gana e
representacion aki via di un referendum of demostra cu nan tin mayoria di e
empleadonan.
Ya caba ora cu e grupo a acerca FTA y a haci peticion pa referendum, mediador a tuma
contacto cu gerencia di Triple A pa mira cuanto empleado nan tin cu derecho di voto.
