Page 33 - ATA

Asina nan a bin haya sa cu e empresa tin 173 empleado, pues e 98 trahadonan cu a afilia

na FTA ta mas cu esnan necesario pa logra haya e referendum.

E motibo cu e empleadonan a acerca FTA ta nan no tabata contento pa e forma con e

negociacionnan tabata tumando luga y kier haya un sindicato mas independiente. “Ora bo

haya un peticion asina, bo tin cu cumpli cu e trahadonan. No pasobra tin un sindicato

caba den Triple A, nos ta hala e peticion di e trahadonan un banda. Ta nos obligacion

como sindicato pa yama of pidi un referendum, y dependiendo di e resultado pa defende

interes di e empleadonan.”

E resultado di e referendum lo demostra si e sindicato actual ta keda of FTA ta haci su

entrada bek na aeropuerto. E pregunta ta ki rol di STA ta bay ta despues di e referendum.

El a wordo invita door di mediador di Gobierno pa participa den e eleccion pero no a

acepta. Segun STA, na momento cu si FTA no logra saca mayoria, automaticamente e

sindicato anterior ta keda. Pero den un carta cu FTA a manda pa e empleadonan siman

pasa, a splica cu e punto di bista aki di STA no ta corecto. A yega di sosode un situacion

similar pero den e compania Aqualectra na Corsou. El a participa pero no a haya
mayoria. Den e caso di STA e no ta participa y no a demostra cuanto hende e ta

representa den Triple A.

FTA a demostra di tin mas cu mayoria di miembro, sinembargo a scoge pa pidi un

referendum pa motibo cu tin un sindicato den cas aworaki. Pa respet pa e sindicato, ta

prefera di cana e caminda legal. Normalmente den un empresa cu no tin sindicato, ta pidi

e compania pa reconoce e sindicato di biaha pa no mester pasa den e proceso di
referendum. Di e forma aki e trahadonan por dicidi den forma democratico cu si nan kier

pa FTA representa nan.