Page 13 - MIN VOS_Neat

focus groups pa haya opinion di comunidad. Hopi tempo a wordo hinca den e “bottom-
up approach” aki. POR ta pensa cu esaki ta duna un bista mas cla di e berdadero
necesidadnan y prioridadnan di comunidad y ta aprecia cu otro partidonan tambe a
scohe pa e proceso aki di papia cu comunidad.

Ta mira cu locual cu POR ta haci tin su efecto, cual ta netamente pakico Aruba mester E
Forsa Nobo. POR ta bin cu un pensamento diferente/nobo y e base di tur e bishita y
reunionnan aki a yega na pone e informacionnan aki den un documento. E documento

‘Plan di Accion’ aki ta keda dinamico mientras tanto. Lo keda ricibi informacion te na
final di juni ora cu e ta bira un oferta definitivo cual ta e plan di POR cu ta ofrece na
comunidad.

Den e programa di pueblo y locual cu lo bay presenta a base di feedback di pueblo ta,
un di e decisionnan ta cu ta bay aleha e poder pa tuma decision for di Ministernan.
Como politico bo mester por keda integro y mester keda cu e responsabilidad cu bo ta
carga pa ley di carga un cartera (cualkier cartera cu esaki por ta).

Un Minister no tey pa dicidi ken e ta duna algo, e tey pa pone un maneho cu
condicionnan, rekisitonan y prioridadnan y e maneho ta locual cu e departamento ta
traha cu ne. A base di esaki si e persona ta cumpli cu locual ta para den e maneho, e ta

ricibi locual e tin derecho pa ricibi.

Tambe kier automatisa henter e sistema, percura cu e ta transparente y cu e persona
por sigui/controla esaki. Por ehempel mescos ora cu ta ‘order’ algo y bo ta haya un

“tracking number”, e persona mes lo por controla den ki fase su peticion ta.

Finalmente partido POR kier invita comunidad di Aruba pa ta pendiente caminda cu
diamars lo haci un launch di e plan di partido dinamico. Keda pendiente y sigui esaki

live riba Facebook page di Por E Forsa Nobo diamars mainta.