Page 36 - ATA

RAIZ: Un Desaster Cu Mester Wordo Evita Como Sea

 Featured
- 16/07/2019

Si Rioolwaterzuiverings-Instalatie (RWZI) Bubali no wordo renoba segun
recomendacionnan di TNO, Oranjestad y e area di hotel lo termina como un “beerput
den aire liber”.
Tur awa di pos y riolering mester wordo procesa prome cu deshaci di esaki of re-uza
esaki den un forma cu no ta afecta salud di nos habitantenan ni di nos naturalesa.

Segun dirigentenan di partido Raiz, gran parti di e awa procesa ta termina den Bubali
Plas, cu aworaki ta un di e atraccionnan turistico mas grandi di Aruba. E otro parti di e
awa ta wordo uza pa muha mata, mas tanto n’e dos canchanan di Golf cu tin den e area
turistico.

Ora Bubali Plas y e Saliñanan yena ful (p.e. durante temporada di awacero), e awa ta
yega te den lama.

RWZI Bubali t’e planta mas grandi cu Aruba tin pa procesa e awa aki cu ta procedente di
casnan domestico, scol, bañonan publico, restaurant, hotel etc.

E planta na Bubali ta den operacion for di 1972 y cu e crecemento rapido di nos
populacion y e area turistico, e awa di pos/riolering cu mester wordo procesa a surpasa e
capacidad maximo cu e planta aki por maneha.