Page 37 - ATA

A consecuencia di esaki e calidad di e awa procesa no ta optimal mas, afectando e.o. e
bida acuatico den Bubali Plas. Ora e awa aki yega den lama esaki ta afecta e bida
acuatico eynan tambe, incluyendo e coral.

E problema mas serio ta cu tin daño n’e tanki di concreet cual ta hopi peligroso, ya cu si e
muraya di concreet kibra tur e “awa sushi” lo drenta Bubali Plas y e Saliñanan sin cu el a
wordo procesa.

Alabes e riolering di Oranjestad y e area di hotel lo pega te bay over ya cu e awa lo no tin
niun caminda pa bay.

TNO a traha un raport encuanto e problema cu tin na RWZI Bubali den cual nan a trece e
solucion incluyendo e gastonan envolvi den esaki. A indica cu e solucionnan mester
wordo implementa pa 2020.

Ta hopi preocupante cu n’e momentonan aki ta pleister ta wordo poni unda cu un
operacion mester tuma lugar.

Si RWZI Bubali no wordo renoba segun e recomendacionnan di TNO, den un futuro
cercano Bubali Plas, e Saliñanan, Oranjestad y e area di hotel lo definitvamente termina
como “beerput den aire liber” – un desaster cu ainda nos por evita.

Partido Raiz a pidi Parlamento di Aruba pa trata e tema importante aki lo mas pronto
posibel.

Pone interes partidista un banda y pone e interes di Aruba su economia y medio ambiente
na prome lugar. Si e desaster aki socode, e consecuencianan lo wordo sinti den cada
hogar riba e pida baranca aki, segun dirigentenan di partido Raiz.