Page 40 - KPA

7
regional Diamars 7 Februari 2017
Honduras: 23 persona a fayece y 35 herida den accidente

HONDURAS (ABC).-
Diadomingo cu a pasa 23
persona a muri y 35 a keda
herida, despues di cu un
autobus a dal contra un
‘rastra’ (vehiculo pisa usa
pa trabao di agricultura),
na localidad di Germania.

Diario La Prensa a bisa cu 19
persona a muri inmediata-
mente, y cu 4 mas a fayece
despues cu a hiba nan pa
hospital Escuela di Teguci-
galpa, capital di Honduras.

Na mesun hospital a ser in-
terna 35 persona cu a keda
herida, y di cual algun di nan
ta grave, pa tal motibo nan
no a descarta cu e cantidad di
victima mortal por aumenta.

E autobus tabatin capacidad
pa 70 persona, y tabata casi
yen, ora cu un rastra usa den
agricultura a perde control y
a bin dal den e parti dilanti di
e autobus y a destrosa esaki.

“E rastra a bin sin control, y a
origina e choke cu e autobus
ey” Carlos Cordero, sub-
comisario di Comite di alerta
di comision permanente di
contingencia (Copeco) a
bisa.

E chauffeur di e rastra a ser
deteni pa asina investiga kico
ta su responsabilidad den e
suceso. Autoridad a descarta
cu e chauffeur tabata bao
efecto di alcohol.