Page 44 - MIN ECEM_Neat

Mei 22, 2017
www.awemainta.com
www.facebook.com/awemainta
noticia@awemainta.com
583-1400

Despues di no a logra diabierne ni diasabra

Porfin ayera tardi,

a logra tumba e

crane di APA

Para riba waf di Playa

LOKE tabata e simbolo di progreso di nos waf, ayera merdia, porfin a logra
di bent’e abao, despues cu a faya diabierne tardi, pa cual a pospone pa haci’e
diasabra, pero no a logra, y tabata ayera merdia, cu porfin a logra.
E tabata un spectaculo pa mira, sigur p’e forma masha profesional cu bent’e
abao.

Asina mes, el a hala masha mirones, pero cu masha control pa ningun hende
keda herida, pa cual tabatin Polis riba laman y na tera pa tene tur hende na
un distancia.
Cu e crane aki a pisa, a keda confirma, con el a sa di kibra e cabelnan, manera
nada.

Ta for di algun tempo caba, despues di no por a haya un comprador a bin ta
planea pa tumba e crane aki, pero con. Pesey a busca algun experto di afo, pa
yuda haci e trabao y manera bisa anteriormente, el a sosode masha profesional
mes, unda por a mira ta manera di pone un giante bay drumi, sin cu pida a
cay den laman.
Biento tabata fuerte atrobe ayera, pero asina mes e no a stroba e trabao.