Page 82 - FDLP

Organisador Edwin Hekman: “Durante e eventonan di añanan anterior, e competencia
mes tawata entre 6 pm di diasabra atardi te cu 6 am di diadomingo mainta di e
siguiente dia. Esaki a trece cune un bon competencia na final pa e ek iponan. Pero pa
loke ta e orario di marduga pa mainta, esaki ta atrae poco publico.”

Organisadornan a tuma nota di presencia di un bon publico durante oranan di anochi,
pero ya den oranan di marduga esaki a a bira menos. “Cu e actual cambio di cuminsa
durante dia y caba mey anochi, nos ta spera cu esaki lo atrae un publico mucho mas

grandi caminda lo por sera e evento aki un den un forma festivo”, segun Hekman.

‘KIDS 12 HOURS OF ARUBA’

Hubada Cycling Team, colaborando cu 12 Hours of Aruba, a tuma na nan encargo e aña
aki pa organisa un ‘Kids 12 Hours of Aruba’.

Esaki ta un careda pa muchanan cuminsando for di 11 aña. (naci na 2008). Nan lo core
un ruta mas cortico y mas facil di 1 kilometer den e mesun becindario di kapel. Nan lo
haya 3 ora pa core mas tanto buelta posibel den ekipo.

E evento aki lo cuminsa diasabra pa 07:30 am. Coredornan entre 11 y 12 aña ta wordo
permiti pa core unicamente den ekipo di 4 coredor.

Coredornan entre 13 y 14 aña si ta wordo permiti pa core den ekipo di 2 of 4 coredor.

CAREDA DI RELEVO

Ekiponan mester core e sistema di relevo, combirtiendo e evento di ‘12 Hours of Aruba’
y tambe e ‘6 Hours of Aruba’ y ‘Kids 12 Hours of Aruba’ den algo unico na Aruba y den

Caribe den su estilo.

Miembronan di cada ekipo lo core den turno, caminda cu nan mester hasi palabracion
con cada ken lo bay core (cuanto buelta y/of cuanto ora).