Page 83 - FDLP

Aki mester tene na cuenta cu cansancio y si e tempo/velocidad ta bahando. Esaki ta
rekeri cu mester traha hunto y cu hopi concentracion den ekipo durante 3, 6 of 12 ora
largo.

PRINCIPIANTENAN

E competencia conoce hopi retonan. E ruta riba su mes por wordo core dor di
principiantenan, pero ta consisti di biradanan skerpi y cu subida y bahadanan complica.

Organisadornan ta sugeri pa tur cu kier participa, pa cuminsa practica y conoce e ruta
tanto den dia como anochi, mirando cu coriendo y compitiendo den scuridad di anochi
ta un abilidad y experiencia unico.

CONTEO DI BUELTANAN

E ganadornan di ‘Kids 12 Hours of Aruba’, ‘12 Hours of Aruba’ y ‘6 Hours of Aruba’ lo ta

e ekiponan cu a core mas buelta completo di e ruta.

Pa loke ta e evento di ‘12 Hours of Aruba’ ekiponan por ta consisti di 2, 4 of 6 coredor
(homber/muher/mix) cu e edad minimo di 17 aña.

Pa loke ta e evento di ‘6 Hours of Aruba’ lo ta unicamente posibel pa core den ekipo di
2 of 4 persona, cuminsando na un edad minimo di 15 aña.

INSCRIPCION

Ekiponan por cuminsa inscribi nan mes desde awe caba na FX Sports na Rooi Santo
Noord of via e website www.12hoursofaruba.com. Durante e ultimo 4 añanan a

participa entre 100 y 140 coredornan. Mirando e cambionan y e meta tras di e evento
pa e anja aki, organisadornan ta spera di por atrae mas coredor/participante cu lo
inscribi nan mes.

BON CAUSA

‘Safe a life, watch where you drive’ via e campaña Road Safety & Sharing ta e meta e
aña aki cu 12 Hours of Aruba ta trahando riba dje. Esaki ta e bon causa pa e aña aki.