Page 40 - AHATA

Debi na accidente recien, por spera

cambio di ley pa uso di ATV y UTV na

Aruba

Posted on 08/20/2018 11:46 am AST | Updated on 08/20/2018 11:47 am AST

ORANJESTAD - Por spera cambio di reglamento y ley pa loke ta uso di e
vehiculonan special conoci como ATV (Quadracer) y UTV (Buggy) na
Aruba. Gobierno di Aruba ta evaluando esaki den cuadro di e accidente
recientemente na Malmok unda cu un hobencita a keda seriamente
accidenta siendo un pasahero riba e UTV y cu a bay para te na Puerto Rico
pa su recuperacion. Minister di husticia Andin Bikker a referi na e
accidente, y a bisa cu a pidi conseho huridico na instancia concerni, si
mester adapta e reglamentacion pa cu e uso di e vehiculonan aki. E kier sa
si e leynan ta adecua pa garantisa seguridad di esun cu opera e vehiculo y
e pasaheronan.

E SUSESO

E mandatario ta usa como punto di salida, e accidente di siman pasa diaranson
entre un van y un UTV, ambos maneha pa turista bishitando nos isla, y cu
manera indica caba, a laga un damita di 7 aña seriamente lesiona. Bikker