Page 46 - AVP

Parlamentario Di Fraccion Di AVP Robert Candelaria

– Cuerpo Di Bombero Cu Carta Preocupante Cu Grito

Di Auxilio Pa Parlamento

 Politica
- 24/07/2019

Cuerpo di Bombero a manda un carta di preocupacion p’e 4 fraccionnan den Parlamento.
Den e carta aki, cu tono hopi skerpi, ta menciona diferente topico cu ta preocupacionnan
y cu ta tumando lugar den Cuerpo di Bombero.

“Lamentablemente mescos cu na otro departamentonan di Husticia e preocupacionnan
aki ta existi den Brandweer tambe,” Parlamentario Robert Candelaria, kende a haya e
carta aki tambe, a duna como reaccion.

E ta bisa cu “falta di prioridad y maneho ta un biaha mas ta puntonan principal di e carta
aki.” Cuerpo di Bombero ta vocifera cu no tin planificacion di trabou, ni den termino
corto ni a largo plaso den tur aspecto di nan servicio.

Educacion y formacion di e management team, escogencia y adkisicion di material
primordial pa Cuerpo di Bombero, falta di training como tambe falta di mantencion di
material ta algun di e puntonan.