Page 35 - RDA 1ST JUNE 2017

Cu tipo di publicacionnan manera di Bloomberg, politiconan
opositor ta purba di daña nomber di Aruba

Wednesday, 31 May 2017 20:18
Comparti

A sali un publicacion riba Bloomberg, aunke no ta un instancia oficial confiabel, pero toch ta
sinti cu politica ta wordo haci di parti di oposicion riba e publicacion cu a wordo haci.

Pesey nos a combersa cu Minister Mike de Meza riba esaki. El a splica cu el a compronde cu lo
tabata tin un reportero cu aparentemente ta traha cu Bloomberg na Merca, a bin Aruba y a
haci algun sondeo y a papia porcierto cu e director di RDA tambe, sr. Alvin Koolman y sr.
Koolman a notifica e persona aki tur e diferente trabaonan cu ta tumando luga den e refineria,
kico tabata e trabaonan cu a tuma luga y a papia y sr. Koolman tambe den un forma hopi cla a
duna e informacion aki publicamente tambe na Aruba.

Ta asina cu por mira cu oposicion lastimamente ta purba di crea tur sorto di storia, mustrando
cu lastimamente na Aruba politica ta asina ta wordo hunga, ta purba daña nomber di
politiconan, Gobernantenan, pero tambe ora nan a haci esaki, no ta realisa cu ta daña nan ta
daña nomber di Aruba mes, cu storia. Pasobra locual cu ta compronde cu e diferente
politiconan aki a trece dilanti nada di locual cu nan a trece dilanti ta basa riba hecho y realidad,
ta storianan cu a wordo fabrica, pa consumo local, politico. Nos tur sa cu nos ta den
momentonan di un eleccion, caminda cu politiconan di oposicion na luga di trece dilanti kico ta
nan plan di Gobernacion pa sea caso nan por haya e sosten pa drenta un Gobierno, cu pueblo
lo por haci un evaluacion y tuma un decision pa vota pa nan y na luga di esey ta purba di daña
nomber di integrantenan di partido AVP, gobernantenan y ta purba di mancha nomber di
hende. Un bandata realisa tambe cu Aruba na aña 2017 no ta bay tras di e storianan aki,
storianan fabrica pa politiconan di partidonan den oposicion, den y pafo di Parlamento, cu ta
purba di wordo crea, atrobe ta fabricacionnan falso y no ta cuadra cu e storianan cu nan ta
purba di bende.

Segun de Meza, ta asina cu por a mira enberdad den Bloomberg cu nan a skirbi cu lo tabata tin
tur clase di esquema traha cu via Aruba lo a bay suministra azeta na paisnan Europeo y Merca
lo ta en contra pa haci negoshi cu e paisnan aki y purba di crea un storia cu aparentemente por
ehempel de Meza mes, como minister di Energia, hunto cu prome minister Mike Eman, lo tin
acuerdonan. Ta un fabricacion falso. E ta storianan manera cu a bisa, cu ta wordo crea door di
opositornan cu no ta cuadra at all cu realidad. E compania aki particular cu nan ta papia di dje