Page 38 - RDA 1ST JUNE 2017

e partidonan den oposicion, cu ta purba di daña nomber di pais Aruba, di Gobierno di Aruba y
di politiconan cu ta di partido AVP cu ta den Gobierno awor aki, bayendo pa 8 aña. Cu esey kier
kita tur ponencia di opositornan di Aruba for di mesa, cu nan storia no ta basa riba berdad cu
ta creacion di nan parti pa purba di duna Gobierno un mal nomber, lubidando den esaki cu nan
ta daña nomber di Aruba internacionalmente.

Na 2012 pueblo di Aruba no tin necesidad di e tipo di politiconan aki cu ta purba di crea
confusion, ta purba di crea storianan y na fin di dia nan ta kere nan ta haci bon, pero
realmente nomber di Aruba nan ta daña. Esnan cu por a scucha cu a bay den rueda di prensa,
cu parlamentario Xiomara Ruiz-Maduro, sr. Glenbert Croes, sr. Otmar Oduber y tabata tin
algun otro a crea tur sorto di speculacion riba esaki, minister de Meza tin cu bisa nan
lastimamente cu nan storianan no tin base. E no ta basa riba ningun realidad, riba ningun
berdad. Ta storia cu nan ta crea y nan ta bay tras di rumornan falso y ta lastima un biaha mas,
cu na Aruba awendia ta asina politica ta. Pero tin cu decepciona nan y lastimamente pa nan cu
esaki un biaha mas ta un di e storianan cu nan ta crea. E hendenan cu ta bay drumi cu
corupcion den nan mente y ta soña cu corupcion y mainta ora nan lanta nan ta lanta cu
corupcion y ora cu papia cu nan ta di corupcion so nan ta papia, ta bisa basta di nan. Ta laga
esey pa nan responsabilidad, pero kier a bisa cu e storia ey ta basa riba un engaño y
speculacion y creacion di tur sorto di rumor falso cu nan ta purba di gana simpatia politico cu
esey y ta lastima. Esey ta laga pa nan mesun responsabilidad. Ta bon ta duna entrevista riba
esaki pa clarea hopi tipo di confusion cu e politiconan aki ta crea y na fin di dia, pueblo lo sa di
condena tambe politiconan cu ta purba di crea tur sorto di storia. Na luga, cu awe dilanti di un
eleccion bo ta trece dilanti kico bo mes lo kier haci, kico ta e alternativanan cu bo ta trece
dilanti, kico lo bo kier haci ora bo drenta den Gobierno. Con bo ta mira constructivamente, cu
si algo cu bo ta kere no ta bon, con abo lo drech'e, bo ta mira e politiconan aki no ta uza e tipo
di politica ey, pero gewoon e politica destructivo cu ya caba pa basta aña pueblo di Aruba a
rechasa completamente e tipo di politiconan aki.