Page 6 - RDA 1ST JUNE 2017
P. 6
Director Di RdA, Alvin Koolman: RdA Ta Orguyoso Di
Ta Parti Den Desaroyo Sostenibel Pa Aruba
- 01/06/2017
Durante e ceremonia di “ground breaking” di WEB Aruba N.V. p’e “Sunrise Solar Park”
situa na Lago Heigths, Director General y CEO di Refineria di Aruba N.V., Alvin
Koolman a bisa di ta masha orguyoso cu RdA N.V. ta forma parti den e desaroyo di pais
Aruba.
El a splica cu na aña 2016, ora cu Valero a traspasa e refineria y su facilidadnan pa
Aruba, RdA a bira propietario di 3.7 miyon m2 di tereno, terenonan cu ta disponibel pa
tipo di proyectonan manera esun di WEB.
“Nos a sinta cu WEB y a otorga un recht van opstal di 92m2 pa por realisa e proyecto
aki”.
Durante e ceremonia tabatin diferente discurso, un di nan tabata di Minister President
Mike Eman kende a menciona cu kisas e situacion ta un poco contradictorio, si considera
e Parke Solar y Refineria—cual ta un fuel processor, situa asina cerca di otro.
Alvin Koolman a splica cu berdaderamente e ta un poco contradictorio awor cu Aruba ta
bay tin un refineria cu ta funciona manera un upgrader den e produccion pa procesa crudo
pisa, pero na mes momento e ta sostene e idea, paso un pais gradualmente mester bay den
e direccion di energia sostenibel.
RdA na mes momento tambe tin diferente proyecto cu ta canando paralelo cu locual t’e
idea di un Aruba mas sostenibel.
