Page 43 - MIN VOS
P. 43
18 AWEMainta Diasabra, 26 November 2016
Inscribi pa IBiSA su Calendario di Evento 2017
INSTITUTO Biba Saludabel y Activo, IBiSA ta preparando
e calendario di evento anual. Pa tal motibo ta informa directiva
di tur organisacion deportivo, organisacion cultural, club y scol
cu ta desea di forma parti di e Calendario di Evento “Recreativo
y Deportivo” pa aña 2017, pa cuminsa manda nan peticion pa
IBiSA.
Rekisito
Tur organisacion, institucion, club of scol cu ta desea pa nan
actividad aparece rib’e “Calendario di Evento IBiSA 2017” tin
cu cumpli cu siguiente rekisitonan:
E organisacion/club mester tin su Statuto; Tur organisacion/
club tin cu busca y yena un formulario di peticion na oficina
di IBiSA; Cada aña mester entrega peticion di nobo;
Tur organisacion/club, etc. cu ta rib’e Calendario di Evento
2016 y ta desea di aparece rib’e Calendario 2017, tin cu yena
e formulario di nobo. No tin excepcion.
Cumpli cu e fecha stipula como ‘deadline’ cu ta dia 10 di de-
cember 2016, pa IBiSA por saca e calendario 2017.
E formulario di peticion ta obtenibel na oficina principal di
IBiSA situa na Frankrijkstraat 1. Cada organisacion por pasa
busca esaki durante ora di oficina 7:30am – 12:00pm y 1:00pm
– 4:30pm, pa yena tur informacion y despues entrega esaki bek
na oficina di IBiSA.
Ta recorda tur organisacion/club, etc. cu IBiSA NO ta bay acepta
ningun peticion “di ultimo momento” pa un evento, pa esaki
sali rib’e calendario e prome tres luna di aña 2017.
Pa mas informacion por tuma contacto cu “Afdeling Sport en
Recreatie” cu sr. William Erasmus na oficina di IBiSA na telefon
582-49 87, of via e-mail na ibisaarubaregistratie@gmail.com.