Page 19 - AM181029

Dialuna, 29 October 2018 AWEMainta 19

Exitoso Bingo di fin di aña na Cas di Partido

CAS di Partido AVP diasabra ultimo tabata
completamente yen pa e tradicional Bingo Pre-
Navideño cu partido ta organisa.
E ta un forma pa simpatisantenan di e partido

bini hunto y alabes pasa un rato agradabel cu e
chens di por gana algo aserca tambe.
Lider di Partido Mike Eman a constata cu ta-
batin un entusiasmo grandi y hopi alegria, pero

tambe positivismo bou di esnan presente. Posi-
tivismo pasobra ta mira cu e partido berde ta
saliendo na defensa di pueblo den e situacion
dificil cu ta pasando aworaki y cu cifranan real
no ta wordo presenta door di un forma transpar-
ente.

Lider di partido manera semper a pasa na cada
mesa pa saluda e ciudadanonan y a deseanan for
di awor caba feliz dianan di fiesta den harmonia
y cu famia.

Na mesun momento el a gradici tur cu a par-
ticipa y e comision organisador pa nan espirito
grandi di boluntarismo cu a haci e anochi un
exito grandi. “Nos lo sigui ta e cas pa tur hen-
de na Aruba. Semper compartiendo nos sosten,
conseho, yudansa, apoyo y nos espirito di opti-

mismo, speransa y fe cu tur cu yega na Cas di
Partido. Un abrazo pa tur y pabien na e gana-
dornan,” Mike Eman a skirbi riba su cuenta di
Facebook.