Page 3 - awemainta 27may2017

AWEMainta Diasabra, 27 Mei 2017 3

Curpa sin bida y sin paña haya AYERA mainta, algo pasa di 6 ‘or, un ca-

panort di California Lighthouse bayero tabata canando cu su cachonan bandi
lama panort di California Lighthouse y ta topa
cu un curpa sin bida riba e beach. Mesora el a
Ta di un persona local avisa Polis.
Dos unidad di Polis a bay n’e sitio y berdad
nan ta topa cu un persona masculine, sin paña
na su curpa.
Loke por a bisa e momento ey, cu e persona ey
no tin ni 6 ora morto, loke a haci e investiga-
cion mas interesante.

E prome impresion cu un persona ta haya cu
aki mester trata di un persona cu ilegalmente
lo kier drenta Aruba. Pero segun ora ta bay
pasando, investigacion a conduci na un auto
para basta mas pariba, na altura di Boca Mahos.
Si e persona aki a dicidi di comete suicidio,
anto for di oranan di anochi, e lo a benta su
curpa na laman y coriente a hib’e te n’e beach
banda di California Lighthouse. Pesey e teoria,
cu e no tin tanto ora morto.

Dicho auto lo mester ta di e persona cu a ser
haya riba beach panort di California Light-
house. Kier men no ta un persona cu ilegal-
mente kier drenta Aruba pero e ta un Arubiano,
kende lo a dicidi di kita su bida di e forma aki.

Departamento Tecnico di Polis a bay n’e sitio
pa haci mas investigacion. Dokter Texier a ser
pidi na e sitio pa constata morto.
Te n’e momentonan ey e identidad di e persona
no ta conoci y ni tampoco si por ta trata di un
homicidio of suicidio. Investigacion lo tin di
determina esey.

A dicidi di avisa e famia pa bay identifica e
persona, prome cu duna di conoce di kende e
ta exactamente.

VERSION POLICIAL
Mas den dia, vocero interino di Polis, sra. Lili-
ana Croes-Rasmijn a duna di conoce e version
oficial. Diabierna mainta pa 6:10 Central di
Polis ta haya un yamada cu tin un curpa na
rand den lama patras di Lighthouse.
T’asina cu na yegada di e patruya policial ta bin
topa cu e curpa sin bida di un hende homber
y na unda polis ta pidi di biaha pa Recherche
y BFTO.

Pa 8:50 dr Texier ta constata morto di A.K. naci
1970, (46 aña) na Corsou y biba na Aruba.
Causa di su morto ta hogamento. Tambe ta
pidi slachtofferhulp pa asisti e famia den e
momento dificil aki.
Cuerpo Policial ta manda palabra di condolen-
cia p’e famia.

(Potretnan ta di Aruba Native)