Page 7 - awemainta 27may2017
P. 7
AWEMainta Diasabra, 27 Mei 2017 7
Investigacion relaciona
cu detencion na Balashi a determina
Arma di
candela tabata falso
DIAHUEBS den oranan di atardi, a tuma luga un
detencion na altura di Balashi, net pabou di e brug, cu
hala basta atencion y laga hopi sorprendi. Ta trata di
e chauffeur di un Honda A-62086 cu a wordo sospe-
cha di carga arma di candela. Un ciudadano atento a
nota e arma ora e chauffeur y ocupantenan tabata na
un negoshi y a alerta autoridadnan inmediatamente.
Varios unidad a cuminsa un buskeda p’e auto. Den
corto tempo a localis’e den area di Savaneta. E tabata
bayendo direccion Balashi, unda unidadnan policial
tabata wardando y asina a blokia e auto. E chauffeur
y un otro persona a wordo deteni n’e sitio y a confisca
e arma di candela. Tabatin un señora y un mucha
den e auto. Tambe a confisca e auto tambe pa mas
investigacion. E tabata un bon trabou coordina di
parti di Cuerpo Policial y tambe e ciudadano atento.
Investigacion despues a determina cu e arma di can-
dela a resulta di ta falso y pues no tabata necesario pa
mantene ambos persona deteni. Un situacion penoso
ta locual esnan envolvi a pasa aden pa loke ta trata
e resultado final di investigacion.
Hobennan ta
horta tas di turista
DEN oranan di anochi, a pidi asistencia di Polis pa
un grupo di hoben cu a horta tas di un turista den
area di Hilton. A cuminsa un buskeda p’e grupo aki,
cu despues di un rato a wordo localisa banda di The
Mill, caminda personal di seguridad a detene nan.
Autoridad a atende cu e hobennan local aki y a en-
trega e tas y pertenencianan bek na su doño.
Chauffeur bou
influencia di alcohol
ta ocasiona accidente
DIAHUEBS den oranan di atardi, un accidente
a sosode cerca di rotonde di Paradera, caminda tres
persona a resulta herida.
Polis a presenta n’e sitio y constata cu un chauf-
feur tabata bou influencia di alcohol, bay na banda
contrario di caminda y dal contra un otro vehiculo.
E impacto a produci tres herido, un di cual a wordo
transporta cu ambulance pa Hospital debi na dolor
di lomba.
