Page 11 - awemainta 27may2017

AWEMainta Diasabra, 27 Mei 2017 11

Fraccion di AVP ta sigui

reuni pa discuti leynan

cu mester wordo trata

APESAR cu campaña electoral ta den full swing, fraccion di AVP ta sigui cu su
reunionnan diario entre otro di e propio fraccion caminda ta trata diferente asunto
di interes general cu tin cu wordo atendi ainda, y otro reunionnan di comision of
comision central.

Fraccion di AVP e siman aki a reuni e.o. riba diferente ley pendiente cu
ainda tin cu wordo trata den Parlamento, caminda tin riba programa
di Parlamento, e ley di screening di Minister, cual ley lo ser trata
den un reunion publico dialuna benidero.

Un ley caminda pueblo por a ripara siman pasa cu e lider di frac-
cion mas grandi di oposicion, Evelyn Wever Croes, no tabata
na altura mes di existencia di e ley aki, mientras cu henter e
proceso cu e ley aki a cana pa yega cla pa e wordo trata den
un reunion publico, mester ta conoci pa tur miembro di
Parlamento.

Aki un biaha mas ta resalta e falta di interes di cantidad
grandi di miembronan di Parlamento, cu simplemente no
ta cumpliendo cu nan obligacion como representantenan
di pueblo, pero ta sigui atende asuntonan personal y di
partido mientras cu nan funcion ta keda representante
di pueblo den Parlamento.