Page 16 - HOH

E prome Diasabra a bay hopi bon, y sra. Reyes-Colina kier a encurasha tur hende pa
bin siña con pa controla nan pechonan. E dama a menciona cu riba e prome Diasabra,
na momento di e check up, docternan a detecta varios hende muher cu tin pipita den
nan pecho.

E personanan aki a wordo referi pa haci un investigacion pa haya sa kico e pipitanan aki
ta.

Reyes-Colina a subraya cu esaki no necesariamente kiermen cu nan tin cancer, pasobra
tambe por ta un klier cu tin biaha por tas señal cu e persona por tin algo iregular den
su pecho y pesey mester investiga.

Pa Fundacion Mary Joan Foundation ta hopi importante pa e hendenan controla nan
mes, mirando cu e casonan di cancer ta aumentando mientras cu edad di e pacientnan
ta bahando. E dama a menciona cu e hobennan no ta worry hopi cu asunto di cancer
pasobra nan ta jong, pero mester tene cuenta cune pasobra edad pa haye ta baha y

mas jong un hende cuminza educa su mes, mas chens tin di pasa over y haci otro
hobennan conciente riba controla nan pechonan.

E ta fastioso pa bisa esaki, sra. Reyes-Colina a expresa, pero na Mary Joan cada bez tin

mas hende ta bati na nan porta cu e situacion di cancer.

Mundialmente, e casonan di cancer na pecho ta aumentando mas y mas, y e factornan
por ta varios pero no ta conoci y pesey mester ta conciente di e importancia di conoce e

curpa, e examina e pechonan for di e momento cu e mucha ta cuminza desaroya.

Sra. Reyes-Colina a menciona cu como fundacion cu ta traha a base di donacion, ta
dificil pa haci investigacion di con na Aruba tin tanto cancer di pecho, pasobra nan no ta

dispone di fondonan pa algo asina.

Pa busca kico por ta e causa ta cay mas tanto na e parti di gobierno. E fundacion ta
purba di concientiza e comunidad mas tanto posible y duna e pacient support.

Sra. Ruiz-Colina ta haci un investigacion na tur hende tanto hende homber como hende
muher pa awe, Diasabra 22 di Juni, acudi na Hospital dr. Horacio Oduber di 12 or di