Page 68 - ATA

E parlamentario tin entendi cu aworaki ta den e fase final pa cuminza cu e destaho
publico, y e ta bay wordo desaroya unda e waf chikito tabata prome.

Esaki ta un proyecto di APA cu ta bay atende cu aspectonan infrastructural, pero tambe

e ta un desaroyo priva. Esaki ta bay encera un inversion di casi 500 miyon florin, cu ta
algo hopi importante.

Parlamentario Tjon a subraya cu e buniteza di henter e proyecto aki ta cu e ta tene

cuenta cu e preocupacionnan di comunidad, cu hopi enfoke riba aspectonan recreativo
cu cada ciudadano por haci uso di dje, y boutique hotelnan chikito unda turistanan por
keda ora nan bishita Aruba.

E otro proyecto cu e Minister a menciona ta esun di Caya Grandi unda ta bay construi
vivienda, tambe estilo boutique hotel, y cu ta bay tin espacio pa 26 camber.

E parlamentario a subraya cu esaki tambe ta un proyecto cu lo stimula Aruba su

economia, y e tin entendi cu tur permiso ta cla caba, y cu e construccion lo cuminza e
aña aki mes.

Segun e plannan aki e inversion aki lo genera, for di momento cu e inicia te e punto

final, alrededor di mil cupo di trabao y esaki ta sumamente importante pa Aruba na e
momentonan aki.

Di parti di fraccion di MEP ta bay haci diferente pregunta riba e proyectonan aki pa

gobierno pone e proyectonan aki como prioridad, vooral esun di APA.

E ta haya cu ta hopi necesario pa crea cuponan di trabao, pa asina por stimula Aruba su
economia. El a splica tambe cu 70% di e desaroyonan aki ta pa comunidad y 30%

comercial, locual ta un balance hopi positivo mirando tur e retonan cu nos pais ta
enfrentando.

https://www.diario.aw/2019/06/proyectonan-di-minister-di-turismo-lo-genera-mas-cu-mil-cupo-di-
trabao/