Page 63 - ATA

prepara Aruba pa un ola di intrankilidad cu ta stroba Aruba subi un caminda structura
pa futuro, ta forsa un reunion den Parlamento pa haya splicacion di loke ta pasa cu e
proyecto Traimerdia.

Cu e proyecto merece tur atencion ta mas cu claro y hustamente ta pa tur
parlamentario haci nan trabou, ta paga nan mescos cu ta paga ministernan pa haci nan
trabou.

Lamentablemente e grupo cu awe kier pa tur regla cu ta proteha Parlamento for di
vandalismo politico wordo aplica, ta e grupo cu a trapa cu tur forsa riba Parlamento pa
asina permiti pa awe Aruba ta den e desastre cu yama Citgo.

For di 2009 Aruba a conoce un constelacion di Parlamento cu a stroba e proceso
democratico den e representacion oficial di Aruba, cu ta Parlamento. Awe e contesta cu
Parlamentarionan di AVP mester percura pa pueblo di Aruba haya ta, con por ta posibel
cu na 2016 e mayoria di AVP a crea e espacio pa un profesional riba tereno di petroleo

a logra introduci e proyecto destructor di Citgo pa Aruba.

Awe mester pone un fin na e manipulacion y engaño di e grupo di AVP cu hunto cu Mike
Eman a haya oportunidad di destrui e sistema politico di Aruba y asina de paso destrui

futuro di Aruba.

E proyecto di Citgo no solamente ta e berguensa mas grandi den historia di Aruba, pero
e ta rondona pa preguntanan autentico riba cual Aruba mester haya un contesta.

Mike de Meza ta e homber cu lo a percura pa Citgo yega Aruba. Mike de Meza ta un
homber cu te awor, ta mustra cu e ta e experto grandi di Aruba cu sa tur cos.

E momento a yega pa Mike de Meza splica Aruba kico e sa di Citgo for di prome cu el a
introduci e proyecto contra tur regla na Aruba.

Mike de Meza ta condena su mes cu su actitud cu e ta homber di ciencia y tur cu por

opone, ta bou di su nivel.