Page 59 - ATA
P. 59
E veneno di e pio gobernante cu e pais a yega di conoce
Pa por comprende kico ta pasa Aruba awe, mester bolbe den historia. Pakico e lucha
original di Arubianonan pa un futuro liber di nan pais a faya na prome momento? Pakico
Betico Croes mester a bini dilanti y hiba e lucha cu lo a duna Aruba su Status Aparte?
Pakico Betico Croes no a bira e Prome Minister di Aruba ora el a logra autonomia di e
pais den Reino? Pakico awe cada rato Aruba ta den turbulencia, mainta, atardi y
traimerdia?
Pa Aruba por comprende loke ta pasa e pais actualmente mester realisa kico ta spera
ainda. E solucion di e problemanan mas grandi di Aruba, ta hustamente e momento di
berdad di un politico asina sabi, cu el a skirbi su propio historia hasta prome cu el a
drenta politica.
El a kere cu e por imita Betico Croes cu a sa con mantene su mes como lider di un pais
te na momento cu pa traicion a saca pia pa e cay.
Pa Aruba por bandona e veneno cu a pone Aruba guli y drenta e pio crisis di su historia,
mester bolbe den historia den cual e cifranan 12-8 ta hunga un papel masha
importante.
E cifranan 12-8 a marca e momento cu Aruba no a haya su libertad priminti pero a
wordo mara na Antia na un forma mas sigur.
12-8 a marca entrada di Mike Eman como gobernante di Aruba, despues cu den su
partido mes a scrap y pone te ora a yega na su persona como unico cu ta digno pa
dirigi e partido y asina sigui dinastia.
Awe berdad di e historia di Aruba mester mustra kende tabata e persona cu na 2009 a
base di un victoria 12-8, a asumi poder di Minister Presidente di Aruba pa cual el a
prepara su mes.
El a sigura su mes cu e tabata tin e vehiculonan pa e show cu e lo a monta pa asina
venena e bista di Aruba, cu continuamente e tabata brasa y sunchi sin duna chens pa
wowonan di e Arubiano mira loke e tabata haci.
