Page 57 - ATA
P. 57
ORANJESTAD (AAN): Dilanti di aeropuerto tin e famoso rotonde cu ta esun cu e
turistanan ta topa ora di yega Aruba.
Pero parce cu no ta dunando nan e atencion mereci. Den e dianan cu a pasa e
banderanan tabata mustra den mal condicion. Algun di nan kibra y hasta colgando di un
hilo so.
Parce cu ya caba a duna ordo pa kita e banderanan pa bay cambia nan.
Ta di spera cu por duna mas atencion na e problema aki ya cu tur ora ta warda te ora
cu bin reclamo atravez di medionan di comunicacion.
Mescos ta sosode cu e lineanan blanco ariba caya na salida di airport cu cada rato ta
disparce.
LINEANAN BLANCO
E turista cu yega Aruba y cu ta huur un auto no sa unda pa bay. Unda e tin cu para
precis pa subi e rotonde. Tin e borchinan cu ta visibel pero ariba caminda e lineanan
blanco ta disparce locual ta trece confusion y por causa un accidente ariba e rotonde.
Ta di espera cu e instancianan concerni por tene cuenta cu e situacionnan aki.
https://www.diario.aw/2019/06/mester-keda-duna-atencion-na-e-banderanan-na-rotonde-dilanti-di-
aeropuerto/
