Page 60 - ATA
P. 60
Na 2009, BBO a bira e prome arma venenoso di Mike Eman, cu tabata sa cu e tabata
kibra bienestar di Aruba. Cual famia por sobrevivi si entrada di e famia baha cu mita?
Mike Eman a percura pa esaki sosode. Ningun hende cu capacidad minimo, lo a baha su
entrada of entrada di un pais pa mita sin e prueba cu e por a hisa e entrada atrobe.
Mike Eman a cuminsa cu su racha di destruccion cu un traicion pasobra mientras Aruba
tabata bati man pa menos BBO, e caha di debe di pais Aruba a cuminsa bira e trampa
pa futuro di e pais.
Pa haya placa pa Aruba a pone 1.6 Miyon di e pais disponibel pa e proyectonan di PPS,
cu awor ta den man di Ministerio Publico. Mientrastanto ya Arubianonan ta paga pa e
falta di control cu ta resultado di e forma cu e hinca e proyecto den otro.
Na 2014 a logra brasa, sunchi y evita cu pueblo por a mira e situacion desastroso cu ya
Aruba tabata aden. Pero Mike Eman lo no ta Mike Eman si e no haya loke e kier pa Mike
Eman.
Asina el a bolbe gana eleccion mientras Aruba a haya su mes den un show politico
nunca bisto den su historia.
El a trece Citgo. Mientras ya hopi pais na mundo tabata acusa Nicolas Maduro di ladron,
Mike Eman a hinca Aruba den man di ladron. Aruba mester a wordo transforma den un
centro di accion gubernamental di Venezuela. Nicolas Maduro mester a yuda crea un
supuesto economia mientras mundo tabata core su tras pa ladronicia, labamento di
placa y crimen.
Esaki ta e honor y merito di Mike Eman. Despues cu el a destrui Aruba, laga e pais cu
un debe cu a kibra futuro, Mike Eman a hala atras.
Awe e ta preocupa pa e situacion na Aruba.
Ta bon pa pueblo recorda con Mike Eman a ensure futuro si Aruba. Ni gobernador e por
a nombra sin problema.
