Page 16 - HOH

A15
HENDE Diahuebs 19 september 2019

Boluntario di Luna

Foundation cu bishita na St.

Michael School

ORANJESTAD – Entre e desaroyonan andando na
Aruba cu tin como meta pa alivia e sufrimento di cacho
y pushi riba nos isla, Luna Foundation ta encarga cu
educacion di nos muchanan. E biaha aki, boluntarion-
an di e fundacion, conoci como ‘Luna Angels’, a bishita
klas 5 di St. Michael School.

Luna Foundation ta e unico fundacion na Aruba cu ta dedica
su mes na educacion, na luga di rescate. Maske por nota cu
e fundacion si ta participa den rescate di cacho di caya, esey
no ta nan tarea principal. Manera Bon Dia Aruba a reporta
den pasado, Luna Foundation ta enfoca riba educacion di nos
muchanan, ayudo pa famianan cu mester di esaki pa duna un
bon cuido pa nan mascota, y pa conscientisa comunidad en
general tocante bienestar animal.
E siman aki, dos Luna Angels a bishita klas 5 di St. Michael
School pa educa e muchanan tocante, entre otro, con pa cuida
un mascota, kico ta nan necesidad, y con por yuda cu bienestar
animal riba nos isla. Ademas, e muchanan a haya oportunidad
di hunga cu algun puppy cu e fundacion tin disponibel pa
adopcion. Luna Foundation ta gradici juffrow v/d Linde pa e
invitacion.