Page 27 - HOH
P. 27
ORANJESTAD (AAN) – E presidente di e Sindicato ABV, Gina Maduro, den entrevista cu
DIARIO a señala cu desde e inicio di e construccion di e edificio nobo di hospital, como
empleado di HOH, pacientnan y enfermeronan, e sindicato a señala cierto problemanan,
y te awor cada bez tin diferente problema mas ta surgi.
El a menciona cu si no ta problema di diesel, ta problema di schimmel, of leakmento.
Siman pasa, Diabierna tabata tin atrobe problema cu leakmento den Laboratorio cu
tabata tin consecuencia, Departamento di Emergencia tambe a haya confronta cu e
retonan aki unda mester a instala airco mobile, tabata tin problema di ventilacion, tin
blokeo na entrada di ambulance.
Otro departamentonan manera Afdeling Endoscopy cu a wordo incorpora
temporalmente den e servicio di emergencia, unda cu e camanan ta limita y e
departamento ta wordo stroba pa duna un bon servicio.
Diaranzon mainta e personal di Radiologia atrobe a bay para pafo, pasobra nan no por
a sigui cu nan actividad debi na tur e problema di schimmel.
