Page 28 - HOH

Sra. Maduro a señala cu diferente persona a bin wak e situacion y a duna diferente
declaracion, pero a yega na un punto cu e trahadornan no tin confianza den ningun
hende mas.

Nan no ta kere den ningun tipo di meeting y kico nan ta bin bisa nan, pasobra e
problemanan a bira structural y finalmente pueblo ta esun cu ta keda perhudica
pasobra afspraaknan ta wordo cancela.

Hendenan cu ta wardando un of dos luna pa un echo, un mamografia, un radiografia cu
ta bay un tiki mas lihe, cada biaha cu ta bin pa haya e servicio e no por wordo duna, no
pasobra e trahador no kier, pero pa motibo cu e situacion laboral no ta permiti nan pa
haci nan trabao.

Maduro a subraya cu el a reuni varios biaha cu e stakeholders, cu gobierno, SOGA,
bouwcommissie, entre otro, pero e ta conclui cu nan no tin control mas riba e situacion.

Gina Maduro a expresa cu e edificio aki y hospital completo ta manera un Titanic. No tin
control, vision ni direccion. E lider sindical a acentua cu ta hopi fastioso pa e
empleadonan traha den un situacion asina.

No obstante nan tin cu keda duna e servicio, nan mester ta motiva pa traha cu pacient,
pero esaki ta e retonan cu cada trahador mester deal cune.

El a agrega cu e sistema digital ta down, y un bez cu esaki sosode nan tin cu bay na e

sistema manual pa despues hinke bek den e sistema y esaki retonan cu,
continuamente, tin e trahadornan hopi disgusta.

Hopi di nan a abandona HOH caba y a bay IMSan, unda nan ta bezig cu diferente

trayecto, proyecto y departamentonan manera OK, Radioterapie, pasobra nan mes a
perde speranza riba solucion na HOH y cada un ta buscando nan mes caminda,
individualmente.

https://www.diario.aw/2019/09/e-edificio-nobo-y-hospital-completo-ta-manera-titanic-sin-control-
vision-ni-direccion/